១០. ទុតិយឧប្បន្នសុត្តំ

១៩១. ‘‘សត្តិមេ, ភិក្ខវេ, ពោជ្ឈង្គា ភាវិតា ពហុលីកតា អនុប្បន្នា ឧប្បជ្ជន្តិ, នាញ្ញត្រ សុគតវិនយា. កតមេ សត្ត? សតិសម្ពោជ្ឈង្គោ…បេ… ឧបេក្ខាសម្ពោជ្ឈង្គោ – ឥមេ ខោ, ភិក្ខវេ, សត្ត ពោជ្ឈង្គា ភាវិតា ពហុលីកតា អនុប្បន្នា ឧប្បជ្ជន្តិ, នាញ្ញត្រ សុគតវិនយា’’តិ. ទសមំ.

បព្ពតវគ្គោ បឋមោ.

តស្សុទ្ទានំ –

ហិមវន្តំ កាយំ សីលំ, វត្ថំ ភិក្ខុ ច កុណ្ឌលិ;

កូដញ្ច ឧបវានញ្ច, ឧប្បន្នា អបរេ ទុវេតិ.