៧. មហាបញ្ញវគ្គោ

១. មហាបញ្ញាសុត្តំ

១០៥៨. ‘‘ចត្តារោមេ, ភិក្ខវេ, ធម្មា ភាវិតា ពហុលីកតា មហាបញ្ញតាយ សំវត្តន្តិ. កតមេ ចត្តារោ? សប្បុរិសសំសេវោ, សទ្ធម្មស្សវនំ, យោនិសោមនសិការោ, ធម្មានុធម្មប្បដិបត្តិ – ឥមេ ខោ, ភិក្ខវេ, ចត្តារោ ធម្មា ភាវិតា ពហុលីកតា មហាបញ្ញតា សំវត្តន្តី’’តិ. បឋមំ.

២. បុថុបញ្ញាសុត្តំ

១០៥៩. … បុថុបញ្ញតា សំវត្តន្តី’’តិ. ទុតិយំ.

៣. វិបុលបញ្ញាសុត្តំ

១០៦០. … វិបុលបញ្ញតា សំវត្តន្តី’’តិ. តតិយំ.

៤. គម្ភីរបញ្ញាសុត្តំ

១០៦១. … គម្ភីរបញ្ញតា សំវត្តន្តី’’តិ. ចតុត្ថំ.

៥. អប្បមត្តបញ្ញាសុត្តំ

១០៦២. … អប្បមត្តបញ្ញតា សំវត្តន្តី’’តិ. បញ្ចមំ.

៦. ភូរិបញ្ញាសុត្តំ

១០៦៣. … ភូរិបញ្ញតា សំវត្តន្តី’’តិ. ឆដ្ឋំ.

៧. បញ្ញាពាហុល្លសុត្តំ

១០៦៤. … បញ្ញាពាហុល្លា សំវត្តន្តី’’តិ. សត្តមំ.

៨. សីឃបញ្ញាសុត្តំ

១០៦៥. … សីឃបញ្ញតា សំវត្តន្តី’’តិ. អដ្ឋមំ.

៩. លហុបញ្ញាសុត្តំ

១០៦៦. … លហុបញ្ញតា សំវត្តន្តី’’តិ. នវមំ.

១០. ហាសបញ្ញាសុត្តំ

១០៦៧. … ហាសបញ្ញតា សំវត្តន្តី’’តិ. ទសមំ.

១១. ជវនបញ្ញាសុត្តំ

១០៦៨. … ជវនបញ្ញតា សំវត្តន្តី’’តិ. ឯកាទសមំ.

១២. តិក្ខបញ្ញាសុត្តំ

១០៦៩. … តិក្ខបញ្ញតា សំវត្តន្តី’’តិ. ទ្វាទសមំ.

១៣. និព្ពេធិកបញ្ញាសុត្តំ

១០៧០. … និព្ពេធិកបញ្ញតា សំវត្តន្តិ. កតមេ ចត្តារោ? សប្បុរិសសំសេវោ, សទ្ធម្មស្សវនំ, យោនិសោមនសិការោ, ធម្មានុធម្មប្បដិបត្តិ – ឥមេ ខោ, ភិក្ខវេ, ចត្តារោ ធម្មា ភាវិតា ពហុលីកតា និព្ពេធិកបញ្ញតាយ សំវត្តន្តី’’តិ. តេរសមំ.

មហាបញ្ញវគ្គោ សត្តមោ.

តស្សុទ្ទានំ –

មហា បុថុ វិបុល-គម្ភីរំ, អប្បមត្ត-ភូរិ-ពាហុល្លំ;

សីឃ-លហុ-ហាស-ជវន, តិក្ខ-និព្ពេធិកាយ ចាតិ.

សោតាបត្តិសំយុត្តំ ឯកាទសមំ.