៤. រាធទុក្ខសុត្តំ

៧៧. ‘‘យំ ខោ, រាធ, ទុក្ខំ តត្រ តេ ឆន្ទោ បហាតព្ពោ. កិញ្ច, រាធ, ទុក្ខំ? ចក្ខុ ខោ, រាធ, ទុក្ខំ. តត្រ តេ ឆន្ទោ បហាតព្ពោ. រូបា… ចក្ខុវិញ្ញាណំ… ចក្ខុសម្ផស្សោ… យម្បិទំ ចក្ខុសម្ផស្ស…បេ… អទុក្ខមសុខំ វា តម្បិ ទុក្ខំ. តត្រ តេ ឆន្ទោ បហាតព្ពោ…បេ… មនោ ទុក្ខោ… ធម្មា… មនោវិញ្ញាណំ… មនោសម្ផស្សោ… យម្បិទំ មនោសម្ផស្សបច្ចយា ឧប្បជ្ជតិ វេទយិតំ សុខំ វា ទុក្ខំ វា អទុក្ខមសុខំ វា តម្បិ ទុក្ខំ. តត្រ តេ ឆន្ទោ បហាតព្ពោ. យំ ខោ, រាធ, ទុក្ខំ តត្រ តេ ឆន្ទោ បហាតព្ពោ’’តិ. ចតុត្ថំ.