៧. ទិទ្ធសុត្តំ

១៦៣. សាវត្ថិយំ វិហរតិ…បេ… ‘‘ទារុណោ, ភិក្ខវេ, លាភសក្ការសិលោកោ…បេ… អធិគមាយ. កំ, ភិក្ខវេ, ទិទ្ធគតេន វិសល្លេន សល្លេន [ទិដ្ឋិគតេន វិសល្លេន (ក. សី.), ទិដ្ឋិគតេន សល្លេន (ស្យា. កំ.), ទិដ្ឋិគតេន វិសល្លេន សល្លេន (ក.), ទិដ្ឋគតេន វិសល្លេន សល្លេន (បី.)] វិជ្ឈតុ, សេខំ [វិជ្ឈតុ, តំ សេខំ (សី.), វិជ្ឈតិ, តំ សេខំ (បី. ក.)] អប្បត្តមានសំ លាភសក្ការសិលោកោ អនុបាបុណាតុ’’ [អនុបាបុណាតិ (បី. ក.)].

‘‘សល្លន្តិ ខោ, ភិក្ខវេ, លាភសក្ការសិលោកស្សេតំ អធិវចនំ. ឯវំ ទារុណោ ខោ, ភិក្ខវេ, លាភសក្ការសិលោកោ…បេ… ឯវញ្ហិ វោ, ភិក្ខវេ, សិក្ខិតព្ព’’ន្តិ. សត្តមំ.