៧. ទុតិយករណីយវិមានវត្ថុ

៩៣៥. ‘‘ឧច្ចមិទំ មណិថូណំ វិមានំ, សមន្តតោ ទ្វាទស យោជនានិ;

កូដាគារា សត្តសតា ឧឡារា, វេឡុរិយថម្ភា រុចកត្ថតា សុភា.

៩៣៦. ‘‘តត្ថច្ឆសិ បិវសិ ខាទសិ ច, ទិព្ពា ច វីណា បវទន្តិ វគ្គុំ;

ទិព្ពា រសា កាមគុណេត្ថ បញ្ច, នារិយោ ច នច្ចន្តិ សុវណ្ណឆន្នា.

៩៣៧. ‘‘កេន តេតាទិសោ វណ្ណោ…បេ… វណ្ណោ ច តេ សព្ពទិសា បភាសតី’’តិ.

៩៣៩. សោ ទេវបុត្តោ អត្តមនោ…បេ… យស្ស កម្មស្សិទំ ផលំ.

៩៤០. ‘‘ករណីយានិ បុញ្ញានិ, បណ្ឌិតេន វិជានតា;

សម្មគ្គតេសុ ភិក្ខូសុ, យត្ថ ទិន្នំ មហប្ផលំ.

៩៤១. ‘‘អត្ថាយ វត មេ ភិក្ខុ, អរញ្ញា គាមមាគតោ;

តត្ថ ចិត្តំ បសាទេត្វា, តាវតិំសូបគោ អហំ.

៩៤២. ‘‘តេន មេតាទិសោ វណ្ណោ…បេ…

វណ្ណោ ច មេ សព្ពទិសា បភាសតី’’តិ.

ទុតិយករណីយវិមានំ សត្តមំ.