១១. ទុតិយភិក្ខាទាយិកាវិមានវត្ថុ

២៧៨. ‘‘អភិក្កន្តេន វណ្ណេន, យា ត្វំ តិដ្ឋសិ ទេវតេ;

ឱភាសេន្តី ទិសា សព្ពា, ឱសធី វិយ តារកា.

២៧៩. ‘‘កេន តេតាទិសោ វណ្ណោ…បេ… វណ្ណោ ច តេ សព្ពទិសា បភាសតី’’តិ.

២៨១. សា ទេវតា អត្តមនា…បេ… យស្ស កម្មស្សិទំ ផលំ.

២៨២. ‘‘អហំ មនុស្សេសុ មនុស្សភូតា, បុរិមាយ ជាតិយា មនុស្សលោកេ.

២៨៣. ‘‘អទ្ទសំ វិរជំ ភិក្ខុំ, វិប្បសន្នមនាវិលំ;

តស្ស អទាសហំ ភិក្ខំ, បសន្នា សេហិ បាណិភិ.

២៨៤. ‘‘តេន មេតាទិសោ វណ្ណោ…បេ. … វណ្ណោ ច មេ សព្ពទិសា បភាសតី’’តិ.

ទុតិយភិក្ខាទាយិកាវិមានំ ឯកាទសមំ.

ចិត្តលតាវគ្គោ ទុតិយោ និដ្ឋិតោ.

តស្សុទ្ទានំ –

ទាសី ចេវ លខុមា ច, អថ អាចាមទាយិកា;

ចណ្ឌាលី ភទ្ទិត្ថី ចេវ [ភទ្ទិត្ថិកា ច (ស្យា.)], សោណទិន្នា ឧបោសថា;

និទ្ទា ចេវ សុនិទ្ទា ច [នន្ទា ចេវ សុនន្ទា ច (សី.)], ទ្វេ ច ភិក្ខាយ ទាយិកា;

វគ្គោ តេន បវុច្ចតីតិ.

ភាណវារំ បឋមំ និដ្ឋិតំ.