១. អញ្ញតរាថេរីគាថា

៦៧. ‘‘បណ្ណវីសតិវស្សានិ, យតោ បព្ពជិតា អហំ;

នាច្ឆរាសង្ឃាតមត្តម្បិ, ចិត្តស្សូបសមជ្ឈគំ.

៦៨. ‘‘អលទ្ធា ចេតសោ សន្តិំ, កាមរាគេនវស្សុតា;

ពាហា បគ្គយ្ហ កន្ទន្តី, វិហារំ បាវិសិំ អហំ.

៦៩. ‘‘សា ភិក្ខុនិំ ឧបាគច្ឆិំ, យា មេ សទ្ធាយិកា អហុ;

សា មេ ធម្មមទេសេសិ, ខន្ធាយតនធាតុយោ.

៧០. ‘‘តស្សា ធម្មំ សុណិត្វាន, ឯកមន្តេ ឧបាវិសិំ;

បុព្ពេនិវាសំ ជានាមិ, ទិព្ពចក្ខុ វិសោធិតំ.

៧១. ‘‘ចេតោបរិច្ចញាណញ្ច [ចេតោបរិយញាណញ្ច (ក.)], សោតធាតុ វិសោធិតា;

ឥទ្ធីបិ មេ សច្ឆិកតា, បត្តោ មេ អាសវក្ខយោ;

ឆឡភិញ្ញា [ឆ មេភិញ្ញា (ស្យា. ក.)] សច្ឆិកតា, កតំ ពុទ្ធស្ស សាសន’’ន្តិ.

… អញ្ញតរា ថេរី ….