១១. សប្បកត្ថេរគាថា

៣០៧. ‘‘យទា ពលាកា សុចិបណ្ឌរច្ឆទា, កាឡស្ស មេឃស្ស ភយេន តជ្ជិតា;

បលេហិតិ អាលយមាលយេសិនី, តទា នទី អជករណី រមេតិ មំ.

៣០៨. ‘‘យទា ពលាកា សុវិសុទ្ធបណ្ឌរា, កាឡស្ស មេឃស្ស ភយេន តជ្ជិតា;

បរិយេសតិ លេណមលេណទស្សិនី, តទា នទី អជករណី រមេតិ មំ.

៣០៩. ‘‘កំ នុ តត្ថ ន រមេន្តិ, ជម្ពុយោ ឧភតោ តហិំ;

សោភេន្តិ អាបគាកូលំ, មម លេណស្ស [មហាលេណស្ស (ស្យា. ក.)] បច្ឆតោ.

៣១០. ‘‘តា មតមទសង្ឃសុប្បហីនា,

ភេកា មន្ទវតី បនាទយន្តិ;

‘នាជ្ជ គិរិនទីហិ វិប្បវាសសមយោ,

ខេមា អជករណី សិវា សុរម្មា’’’តិ.

… សប្បកោ ថេរោ….