១. អង្គណិកភារទ្វាជត្ថេរគាថា

២១៩. ‘‘អយោនិ សុទ្ធិមន្វេសំ, អគ្គិំ បរិចរិំ វនេ;

សុទ្ធិមគ្គំ អជានន្តោ, អកាសិំ អមរំ តបំ [អកាសិំ អបរំ តបំ (ស្យា.), អកាសិំ អមតំ តបំ (ក.)].

២២០. ‘‘តំ សុខេន សុខំ លទ្ធំ, បស្ស ធម្មសុធម្មតំ;

តិស្សោ វិជ្ជា អនុប្បត្តា, កតំ ពុទ្ធស្ស សាសនំ.

២២១. ‘‘ព្រហ្មពន្ធុ បុរេ អាសិំ, ឥទានិ ខោម្ហិ ព្រាហ្មណោ;

តេវិជ្ជោ ន្ហាតកោ [នហាតកោ (សី. អដ្ឋ.)] ចម្ហិ, សោត្តិយោ ចម្ហិ វេទគូ’’តិ.

… អង្គណិកភារទ្វាជោ ថេរោ….