១. សង្គហវារោ

យំ លោកោ បូជយតេ, សលោកបាលោ សទា នមស្សតិ ច;

តស្សេត សាសនវរំ, វិទូហិ ញេយ្យំ នរវរស្ស.

ទ្វាទស បទានិ សុត្តំ, តំ សព្ពំ ព្យញ្ជនញ្ច អត្ថោ ច;

តំ វិញ្ញេយ្យំ ឧភយំ, កោ អត្ថោ ព្យញ្ជនំ កតមំ.

សោឡសហារា នេត្តិ [នេត្តី (ក.)], បញ្ចនយា សាសនស្ស បរិយេដ្ឋិ;

អដ្ឋារសមូលបទា, មហកច្ចានេន [មហាកច្ចានេន (សី.)] និទ្ទិដ្ឋា.

ហារា ព្យញ្ជនវិចយោ, សុត្តស្ស នយា តយោ ច សុត្តត្ថោ;

ឧភយំ បរិគ្គហីតំ, វុច្ចតិ សុត្តំ យថាសុត្តំ.

យា ចេវ ទេសនា យញ្ច, ទេសិតំ ឧភយមេវ វិញ្ញេយ្យំ;

តត្រាយមានុបុព្ពី, នវវិធសុត្តន្តបរិយេដ្ឋីតិ.

សង្គហវារោ.