៣៥៧. លដុកិកជាតកំ (៥-១-៧)

៣៩. វន្ទាមិ តំ កុញ្ជរ សដ្ឋិហាយនំ, អារញ្ញកំ យូថបតិំ យសស្សិំ;

បក្ខេហិ តំ បញ្ជលិកំ ករោមិ, មា មេ វធី បុត្តកេ ទុព្ពលាយ.

៤០. វន្ទាមិ តំ កុញ្ជរ ឯកចារិំ, អារញ្ញកំ បព្ពតសានុគោចរំ;

បក្ខេហិ តំ បញ្ជលិកំ ករោមិ, មា មេ វធី បុត្តកេ ទុព្ពលាយ;

៤១. វមិស្សាមិ តេ លដុកិកេ បុត្តកានិ, កិំ មេ តុវំ កាហសិ ទុព្ពលាសិ;

សតំ សហស្សានិបិ តាទិសីនំ, វាមេន បាទេន បបោថយេយ្យំ.

៤២. ន ហេវ សព្ពត្ថ ពលេន កិច្ចំ, ពលញ្ហិ ពាលស្ស វធាយ ហោតិ;

ករិស្សាមិ តេ នាគរាជា អនត្ថំ, យោ មេ វធី បុត្តកេ ទុព្ពលាយ.

៤៣. កាកញ្ច បស្ស លដុកិកំ, មណ្ឌូកំ នីលមក្ខិកំ;

ឯតេ នាគំ អឃាតេសុំ, បស្ស វេរស្ស វេរិនំ;

តស្មា ហិ វេរំ ន កយិរាថ, អប្បិយេនបិ កេនចីតិ.

លដុកិកជាតកំ សត្តមំ.