៣៤០. វិសយ្ហជាតកំ (៤-៤-១០)

១៥៧. អទាសិ ទានានិ បុរេ វិសយ្ហ, ទទតោ ច តេ ខយធម្មោ អហោសិ;

ឥតោ បរំ ចេ ន ទទេយ្យ ទានំ, តិដ្ឋេយ្យុំ តេ សំយមន្តស្ស ភោគា.

១៥៨. អនរិយមរិយេន សហស្សនេត្ត, សុទុគ្គតេនាបិ អកិច្ចមាហុ;

មា វោ ធនំ តំ អហុ ទេវរាជ [អហុវា ជនិន្ទ (ក. សី. ស្យា. បី.)], យំ ភោគហេតុ វិជហេមុ សទ្ធំ.

១៥៩. យេន ឯកោ រថោ យាតិ, យាតិ តេនាបរោ រថោ;

បោរាណំ និហិតំ វត្តំ, វត្តតញ្ញេវ [វទ្ធំ, វទ្ធតញ្ញេវ (ក. សី. បី.)] វាសវ.

១៦០. យទិ ហេស្សតិ ទស្សាម, អសន្តេ កិំ ទទាមសេ;

ឯវំភូតាបិ ទស្សាម, មា ទានំ បមទម្ហសេតិ.

វិសយ្ហជាតកំ ទសមំ.

កោកិលវគ្គោ [កោកាលិកវគ្គោ (ក.)] ចតុត្ថោ.

តស្សុទ្ទានំ –

អតិវេលបភាសតិ ជីតវរោ, វនមជ្ឈ រថេសភ ជិម្ហគមោ;

អថ ជម្ពុ តិណាសនបីឋវរំ, អថ តណ្ឌុល មោរ វិសយ្ហ ទសាតិ.