៣៣០. សីលវីមំសជាតកំ (៤-៣-១០)

១១៧. សីលំ កិរេវ កល្យាណំ, សីលំ លោកេ អនុត្តរំ;

បស្ស ឃោរវិសោ នាគោ, សីលវាតិ ន ហញ្ញតិ.

១១៨. យាវទេវស្សហូ កិញ្ចិ, តាវទេវ អខាទិសុំ;

សង្គម្ម កុលលា លោកេ, ន ហិំសន្តិ អកិញ្ចនំ.

១១៩. សុខំ និរាសា សុបតិ, អាសា ផលវតី សុខា;

អាសំ និរាសំ កត្វាន, សុខំ សុបតិ បិង្គលា.

១២០. ន សមាធិបរោ អត្ថិ, អស្មិំ លោកេ បរម្ហិ ច;

ន បរំ នាបិ អត្តានំ, វិហិំសតិ សមាហិតោតិ.

សីលវីមំសជាតកំ ទសមំ.

កុដិទូសកវគ្គោ តតិយោ.

តស្សុទ្ទានំ –

សមនុស្ស -សទុទ្ទុភ-យាចនកោ, អថ មេណ្ឌវរុត្តម-គោធវរោ;

អថ កាយសកេបុក ភោតីវរោ, អថ រាធសុសីលវរេន ទសាតិ.