៣២៨. អននុសោចិយជាតកំ (៤-៣-៨)

១០៩. ពហូនំ វិជ្ជតី ភោតី, តេហិ មេ កិំ ភវិស្សតិ;

តស្មា ឯតំ ន សោចាមិ, បិយំ សម្មិល្លហាសិនិំ.

១១០. តំ តំ ចេ អនុសោចេយ្យ, យំ យំ តស្ស ន វិជ្ជតិ;

អត្តានមនុសោចេយ្យ, សទា មច្ចុវសំ បតំ.

១១១. ន ហេវ ឋិតំ នាសីនំ, ន សយានំ ន បទ្ធគុំ [បត្ថគុំ (ស្យា.)];

យាវ ព្យាតិ និមិសតិ, តត្រាបិ រសតី [សរតី (សី. ស្យា. បី.)] វយោ.

១១២. តត្ថត្តនិ វតប្បទ្ធេ [វត បន្ថេ (ស្យា.), វត ពន្ធេ (ក.) វត + ប-អទ្ធេ = វតប្បទ្ធេ], វិនាភាវេ អសំសយេ;

ភូតំ សេសំ ទយិតព្ពំ, វីតំ អននុសោចិយន្តិ [ចវិតំ នានុសោចិយន្តិ (ស្យា.), មតន្តំ នានុសោចិយំ (ក.)].

អននុសោចិយជាតកំ អដ្ឋមំ.