៣២៧. កាកវតីជាតកំ (៤-៣-៧)

១០៥. វាតិ ចាយំ [វាយំ (ក.)] តតោ គន្ធោ, យត្ថ មេ វសតី បិយា;

ទូរេ ឥតោ ហិ កាកវតី [កាកាតី (សី.), កាកាតិ (ស្យា. បី.)], យត្ថ មេ និរតោ មនោ.

១០៦. កថំ សមុទ្ទមតរី, កថំ អតរិ កេបុកំ [កេពុកំ (សី. បី.)];

កថំ សត្ត សមុទ្ទានិ, កថំ សិម្ពលិមារុហិ.

១០៧. តយា សមុទ្ទមតរិំ, តយា អតរិ កេបុកំ [កេពុកំ (សី. បី.)];

តយា សត្ត សមុទ្ទានិ, តយា សិម្ពលិមារុហិំ.

១០៨. ធិរត្ថុមំ មហាកាយំ, ធិរត្ថុមំ អចេតនំ;

យត្ថ ជាយាយហំ ជារំ, អាវហាមិ វហាមិ ចាតិ.

កាកវតីជាតកំ សត្តមំ.