៣១៤. លោហកុម្ភិជាតកំ (៤-២-៤)

៥៣. ទុជ្ជីវិតមជីវិម្ហ, យេ សន្តេ [យេសំ នោ (ស្យា. ក.)] ន ទទម្ហសេ;

វិជ្ជមានេសុ ភោគេសុ, ទីបំ នាកម្ហ អត្តនោ.

៥៤. សដ្ឋិ [សដ្ឋិំ (ស្យា.)] វស្សសហស្សានិ, បរិបុណ្ណានិ សព្ពសោ;

និរយេ បច្ចមានានំ, កទា អន្តោ ភវិស្សតិ.

៥៥. នត្ថិ អន្តោ កុតោ អន្តោ, ន អន្តោ បដិទិស្សតិ;

តទា ហិ បកតំ បាបំ, មម តុយ្ហញ្ច មារិសា [មារិស (សី. ស្យា. បី.)].

៥៦. សោហំ នូន ឥតោ គន្ត្វា, យោនិំ លទ្ធាន មានុសិំ;

វទញ្ញូ សីលសម្បន្នោ, កាហាមិ កុសលំ ពហុន្តិ.

លោហកុម្ភិជាតកំ ចតុត្ថំ.