៣០៥. សីលវីមំសនជាតកំ (៤-១-៥)

១៧. នត្ថិ លោកេ រហោ នាម, បាបកម្មំ បកុព្ពតោ;

បស្សន្តិ វនភូតានិ, តំ ពាលោ មញ្ញតី រហោ.

១៨. អហំ រហោ ន បស្សាមិ, សុញ្ញំ វាបិ ន វិជ្ជតិ;

យត្ថ អញ្ញំ [សុញ្ញំ (ស្យា. ក.)] ន បស្សាមិ, អសុញ្ញំ ហោតិ តំ មយា.

១៩. ទុជ្ជច្ចោ ច សុជច្ចោ [អជច្ចោ (បី.)] ច, នន្ទោ ច សុខវឌ្ឍិតោ [សុខវច្ឆកោ (សី.), សុខវច្ឆនោ (ស្យា. បី.)];

វេជ្ជោ ច អទ្ធុវសីលោ [អថ សីលោ (ក.)] ច, តេ ធម្មំ ជហុ មត្ថិកា.

២០. ព្រាហ្មណោ ច កថំ ជហេ, សព្ពធម្មាន បារគូ;

យោ ធម្មមនុបាលេតិ, ធិតិមា សច្ចនិក្កមោតិ.

សីលវីមំសនជាតកំ បញ្ចមំ.