២៩៧. កាមវិលាបជាតកំ (៣-៥-៧)

១៣៩. ឧច្ចេ សកុណ ឌេមាន, បត្តយាន វិហង្គម;

វជ្ជាសិ ខោ ត្វំ វាមូរុំ, ចិរំ ខោ សា ករិស្សតិ [សរិស្សតិ (ក.)].

១៤០. ឥទំ ខោ សា ន ជានាតិ, អសិំ សត្តិញ្ច ឱឌ្ឌិតំ;

សា ចណ្ឌី កាហតិ កោធំ, តំ មេ តបតិ នោ ឥទំ [នោ ឥធ (សី. ស្យា. បី.)].

១៤១. ឯស ឧប្បលសន្នាហោ, និក្ខញ្ចុស្សីសកោហិតំ [និក្ខមុស្សីសកេ កតំ (សី. បី.), និក្ខញ្ចុស្សីសកេ កតំ (ស្យា.)];

កាសិកញ្ច មុទុំ វត្ថំ, តប្បេតុ ធនិកា បិយាតិ [ធនកាមិយាតិ (ស្យា. បី.), ធនកាមិកាតិ (សី.)].

កាមវិលាបជាតកំ សត្តមំ.