២៦០. ទូតជាតកំ (៣-១-១០)

២៨. យស្សត្ថា ទូរមាយន្តិ, អមិត្តមបិ យាចិតុំ;

តស្សូទរស្សហំ ទូតោ, មា មេ កុជ្ឈ [កុជ្ឈិ (សី. បី.)] រថេសភ.

២៩. យស្ស ទិវា ច រត្តោ ច, វសមាយន្តិ មាណវា;

តស្សូទរស្សហំ ទូតោ, មា មេ កុជ្ឈ [កុជ្ឈិ (សី. បី.)] រថេសភ.

៣០. ទទាមិ តេ ព្រាហ្មណ រោហិណីនំ, គវំ សហស្សំ សហ បុង្គវេន;

ទូតោ ហិ ទូតស្ស កថំ ន ទជ្ជំ, មយម្បិ តស្សេវ ភវាម ទូតាតិ.

ទូតជាតកំ ទសមំ.

សង្កប្បវគ្គោ បឋមោ.

តស្សុទ្ទានំ –

ឧសុការវរោ តិលមុដ្ឋិ មណិ, ហយរាជ វិហង្គម អាសិវិសោ;

ជនសន្ធ កហាបណវស្ស បុន, តិរិដំ បុន ទូតវរេន ទសាតិ.