៩. ពោធិសិញ្ចកត្ថេរអបទានំ

៤៦. ‘‘វិបស្សិស្ស ភគវតោ, មហាពោធិមហោ អហុ;

បព្ពជ្ជុបគតោ សន្តោ, ឧបគច្ឆិំ អហំ តទា.

៤៧. ‘‘កុសុមោទកមាទាយ, ពោធិយា ឱកិរិំ អហំ;

មោចយិស្សតិ នោ មុត្តោ, និព្ពាបេស្សតិ និព្ពុតោ.

៤៨. ‘‘ឯកនវុតិតោ កប្បេ, យំ ពោធិមភិសិញ្ចយិំ;

ទុគ្គតិំ នាភិជានាមិ, ពោធិសិញ្ចាយិទំ ផលំ.

៤៩. ‘‘តេត្តិំសេ វត្តមានម្ហិ, កប្បេ អាសុំ ជនាធិបា;

ឧទកសេចនា នាម, អដ្ឋេតេ ចក្កវត្តិនោ.

៥០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ពោធិសិញ្ចកោ ថេរោ ឥមា គាថាយោ អភាសិត្ថាតិ.

ពោធិសិញ្ចកត្ថេរស្សាបទានំ នវមំ.