៦. ទុតិយរំសិសញ្ញកត្ថេរអបទានំ

៣៥. ‘‘បព្ពតេ ហិមវន្តម្ហិ, វាកចីរធរោ អហំ;

ចង្កមញ្ច សមារូឡ្ហោ, និសីទិំ បាចិនាមុខោ.

៣៦. ‘‘បព្ពតេ សុគតំ ទិស្វា, ផុស្សំ ឈានរតំ តទា;

អញ្ជលិំ បគ្គហេត្វាន, រំស្យា ចិត្តំ បសាទយិំ.

៣៧. ‘‘ទ្វេនវុតេ ឥតោ កប្បេ, យំ សញ្ញមលភិំ តទា;

ទុគ្គតិំ នាភិជានាមិ, រំសិសញ្ញាយិទំ ផលំ.

៣៨. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា រំសិសញ្ញកោ ថេរោ ឥមា គាថាយោ អភាសិត្ថាតិ.

ទុតិយរំសិសញ្ញកត្ថេរស្សាបទានំ ឆដ្ឋំ.