៥. ឯកសញ្ញកត្ថេរអបទានំ

១៨. ‘‘ខណ្ឌោ នាមាសិ នាមេន, វិបស្សិស្សគ្គសាវកោ;

ឯកា ភិក្ខា មយា ទិន្នា, លោកាហុតិបដិគ្គហេ.

១៩. ‘‘តេន ចិត្តប្បសាទេន, ទ្វិបទិន្ទ នរាសភ;

ទុគ្គតិំ នាភិជានាមិ, ឯកភិក្ខាយិទំ ផលំ.

២០. ‘‘ចត្តាលីសម្ហិតោ កប្បេ, វរុណោ នាម ខត្តិយោ;

សត្តរតនសម្បន្នោ, ចក្កវត្តី មហព្ពលោ.

២១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឯកសញ្ញកោ ថេរោ ឥមា គាថាយោ អភាសិត្ថាតិ.

ឯកសញ្ញកត្ថេរស្សាបទានំ បញ្ចមំ.