៩. សិវកត្ថេរអបទានំ

១១៧. ‘‘ឯសនាយ ចរន្តស្ស, វិបស្សិស្ស មហេសិនោ;

រិត្តកំ បត្តំ ទិស្វាន, កុម្មាសំ បូរយិំ អហំ.

១១៨. ‘‘ឯកនវុតិតោ កប្បេ, យំ ភិក្ខមទទិំ តទា;

ទុគ្គតិំ នាភិជានាមិ, កុម្មាសស្ស ឥទំ ផលំ.

១១៩. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

១២០. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

១២១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា សិវកត្ថេរោ ឥមា គាថាយោ

អភាសិត្ថាតិ.

សិវកត្ថេរស្សាបទានំ នវមំ.