២. ចិតកបូជកត្ថេរអបទានំ

៦. ‘‘ឈាយមានស្ស ភគវតោ, សិខិនោ លោកពន្ធុនោ;

អដ្ឋ ចម្បកបុប្ផានិ, ចិតកំ អភិរោបយិំ.

៧. ‘‘ឯកតិំសេ ឥតោ កប្បេ, យំ បុប្ផមភិរោបយិំ;

ទុគ្គតិំ នាភិជានាមិ, ចិតបូជាយិទំ ផលំ.

៨. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៩. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

១០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ចិតកបូជកោ ថេរោ ឥមា គាថាយោ

អភាសិត្ថាតិ.

ចិតកបូជកត្ថេរស្សាបទានំ ទុតិយំ.