៣. ចិតកនិព្ពាបកត្ថេរអបទានំ

១១. ‘‘ទយ្ហមានេ សរីរម្ហិ, វេស្សភុស្ស មហេសិនោ;

គន្ធោទកំ គហេត្វាន, ចិតំ និព្ពាបយិំ អហំ.

១២. ‘‘ឯកតិំសេ ឥតោ កប្បេ, ចិតំ និព្ពាបយិំ អហំ;

ទុគ្គតិំ នាភិជានាមិ, គន្ធោទកស្សិទំ ផលំ.

១៣. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

១៤. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

១៥. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ចិតកនិព្ពាបកោ ថេរោ ឥមា

គាថាយោ អភាសិត្ថាតិ.

ចិតកនិព្ពាបកត្ថេរស្សាបទានំ តតិយំ.