៦. អម្ពាដកិយត្ថេរអបទានំ

៣៦. ‘‘សុបុប្ផិតំ សាលវនំ, ឱគយ្ហ វេស្សភូ មុនិ;

និសីទិ គិរិទុគ្គេសុ, អភិជាតោវ កេសរី.

៣៧. ‘‘បសន្នចិត្តោ សុមនោ, អម្ពាដកមបូជយិំ;

បុញ្ញក្ខេត្តំ អនុត្តរំ [មហាវីរំ (សី. ស្យា.)], បសន្នោ សេហិ បាណិភិ.

៣៨. ‘‘ឯកតិំសេ ឥតោ កប្បេ, យំ បុប្ផមភិរោបយិំ;

ទុគ្គតិ នាភិជានាមិ, ពុទ្ធបូជាយិទំ ផលំ.

៣៩. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៤០. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៤១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា អម្ពាដកិយោ ថេរោ ឥមា គាថាយោ

អភាសិត្ថាតិ.

អម្ពាដកិយត្ថេរស្សាបទានំ ឆដ្ឋំ.