៨. ឯកចម្បកបុប្ផិយត្ថេរអបទានំ

២៧. ‘‘ឧបសន្តោ ច សម្ពុទ្ធោ, វសតី បព្ពតន្តរេ;

ឯកចម្បកមាទាយ, ឧបគច្ឆិំ នរុត្តមំ.

២៨. ‘‘បសន្នចិត្តោ សុមនោ, បច្ចេកមុនិមុត្តមំ;

ឧភោហត្ថេហិ បគ្គយ្ហ, បូជយិំ អបរាជិតំ.

២៩. ‘‘បញ្ចសដ្ឋិម្ហិតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

៣០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឯកចម្បកបុប្ផិយោ ថេរោ ឥមា គាថាយោ អភាសិត្ថាតិ.

ឯកចម្បកបុប្ផិយត្ថេរស្សាបទានំ អដ្ឋមំ.