៥. អង្កោលបុប្ផិយត្ថេរអបទានំ

១៦. ‘‘បទុមោ នាម សម្ពុទ្ធោ, ចិត្តកូដេ វសី តទា;

ទិស្វាន តំ អហំ ពុទ្ធំ, សយម្ភុំ អបរាជិតំ [ឧបគច្ឆិហំ (សី. ស្យា.)].

១៧. ‘‘អង្កោលំ បុប្ផិតំ ទិស្វា, ឱចិនិត្វានហំ តទា;

ឧបគន្ត្វាន សម្ពុទ្ធំ, បូជយិំ បទុមំ ជិនំ.

១៨. ‘‘ឯកត្តិំសេ ឥតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

១៩. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា អង្កោលបុប្ផិយោ ថេរោ ឥមា គាថាយោ អភាសិត្ថាតិ.

អង្កោលបុប្ផិយត្ថេរស្សាបទានំ បញ្ចមំ.