៦. កទម្ពបុប្ផិយត្ថេរអបទានំ

២០. ‘‘សុវណ្ណវណ្ណំ សម្ពុទ្ធំ, គច្ឆន្តំ អន្តរាបណេ;

កញ្ចនគ្ឃិយសង្កាសំ, ពាត្តិំសវរលក្ខណំ.

២១. ‘‘និសជ្ជ បាសាទវរេ, អទ្ទសំ លោកនាយកំ;

កទម្ពបុប្ផំ បគ្គយ្ហ, វិបស្សិំ អភិបូជយិំ.

២២. ‘‘ឯកនវុតិតោ កប្បេ, យំ ពុទ្ធមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

២៣. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា កទម្ពបុប្ផិយោ ថេរោ ឥមា គាថាយោ អភាសិត្ថាតិ.

កទម្ពបុប្ផិយត្ថេរស្សាបទានំ ឆដ្ឋំ.