៤. កេសរបុប្ផិយត្ថេរអបទានំ

១២. ‘‘វិជ្ជាធរោ តទា អាសិំ, ហិមវន្តម្ហិ បព្ពតេ;

អទ្ទសំ វិរជំ ពុទ្ធំ, ចង្កមន្តំ មហាយសំ.

១៣. ‘‘តីណិ កេសរបុប្ផានិ [កេសរិបុប្ផានិ (សី.)], សីសេ កត្វានហំ តទា;

ឧបសង្កម្ម សម្ពុទ្ធំ, វេស្សភុំ អភិបូជយិំ.

១៤. ‘‘ឯកត្តិំសេ ឥតោ កប្បេ, យំ កម្មមករិំ តទា;

ទុគ្គតិំ នាភិជានាមិ, ពុទ្ធបូជាយិទំ ផលំ.

១៥. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា កេសរបុប្ផិយោ ថេរោ ឥមា គាថាយោ អភាសិត្ថាតិ.

កេសរបុប្ផិយត្ថេរស្សាបទានំ ចតុត្ថំ.