៣. ភិសមុឡាលទាយកត្ថេរអបទានំ

៨. ‘‘ផុស្សោ នាមាសិ សម្ពុទ្ធោ, សព្ពធម្មាន បារគូ;

វិវេកកាមោ សព្ពញ្ញូ [សប្បញ្ញោ (សី. ស្យា.)], អាគញ្ឆិ មម សន្តិកេ.

៩. ‘‘តស្មិំ ចិត្តំ បសាទេត្វា, មហាការុណិកេ ជិនេ;

ភិសមុឡាលំ បគ្គយ្ហ, ពុទ្ធសេដ្ឋស្សទាសហំ.

១០. ‘‘ទ្វេនវុតេ ឥតោ កប្បេ, យំ ភិសមទទិំ តទា;

ទុគ្គតិំ នាភិជានាមិ, ភិសទានស្សិទំ ផលំ.

១១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ភិសមុឡាលទាយកោ ថេរោ ឥមា គាថាយោ អភាសិត្ថាតិ.

ភិសមុឡាលទាយកត្ថេរស្សាបទានំ តតិយំ.