៦. អម្ពយាគុទាយកត្ថេរអបទានំ

២២. ‘‘សតរំសី នាម សម្ពុទ្ធោ, សយម្ភូ អបរាជិតោ;

វុដ្ឋហិត្វា សមាធិម្ហា, ភិក្ខាយ មមុបាគមិ.

២៣. ‘‘បច្ចេកពុទ្ធំ ទិស្វាន, អម្ពយាគុំ អទាសហំ;

វិប្បសន្នមនំ តស្ស, វិប្បសន្នេន ចេតសា.

២៤. ‘‘ចតុន្នវុតិតោ កប្បេ, យំ កម្មមករិំ តទា;

ទុគ្គតិំ នាភិជានាមិ, អម្ពយាគុយិទំ ផលំ.

២៥. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា អម្ពយាគុទាយកោ ថេរោ ឥមា គាថាយោ អភាសិត្ថាតិ.

អម្ពយាគុទាយកត្ថេរស្សាបទានំ ឆដ្ឋំ.