៧. សុបុដកបូជកត្ថេរអបទានំ

២៦. ‘‘ទិវាវិហារា និក្ខន្តោ, វិបស្សី លោកនាយកោ;

ភិក្ខាយ វិចរន្តោ សោ, មម សន្តិកុបាគមិ.

២៧. ‘‘តតោ បតីតោ សុមនោ, ពុទ្ធសេដ្ឋស្ស តាទិនោ;

លោណសុបុដកំ ទត្វា, កប្បំ សគ្គម្ហិ មោទហំ.

២៨. ‘‘ឯកនវុតិតោ កប្បេ, យំ បុដកមទាសហំ;

ទុគ្គតិំ នាភិជានាមិ, បុដកស្ស ឥទំ ផលំ.

២៩. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា សុបុដកបូជកោ ថេរោ ឥមា គាថាយោ អភាសិត្ថាតិ.

សុបុដកបូជកត្ថេរស្សាបទានំ សត្តមំ.