៥. ទណ្ឌទាយកត្ថេរអបទានំ

១៨. ‘‘កាននំ វនមោគយ្ហ, វេឡុំ ឆេត្វានហំ តទា;

អាលម្ពនំ ករិត្វាន, សង្ឃស្ស អទទំ អហំ.

១៩. ‘‘តេន ចិត្តប្បសាទេន, សុព្ពតេ អភិវាទិយ;

អាលម្ពនម្បិ ទត្វាន, បក្កាមិំ ឧត្តរាមុខោ.

២០. ‘‘ចតុន្នវុតិតោ កប្បេ, យំ ទណ្ឌមទទិំ តទា;

ទុគ្គតិំ នាភិជានាមិ, ទណ្ឌទានស្សិទំ ផលំ.

២១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ទណ្ឌទាយកោ ថេរោ ឥមា គាថាយោ អភាសិត្ថាតិ.

ទណ្ឌទាយកត្ថេរស្សាបទានំ បញ្ចមំ.