១០. ឯកញ្ជលិយត្ថេរអបទានំ

៦៣. ‘‘រោមសោ [រេវតោ (សី.)] នាម សម្ពុទ្ធោ, នទីកូលេ វសី តទា;

អទ្ទសំ វិរជំ ពុទ្ធំ, បីតរំសិំវ ភាណុមំ.

៦៤. ‘‘ឧក្កាមុខបហដ្ឋំវ, ខទិរង្គារសន្និភំ;

ឱសធិំវ វិរោចន្តំ, ឯកញ្ជលិមកាសហំ.

៦៥. ‘‘ចតុន្នវុតិតោ កប្បេ, យំ អញ្ជលិមកាសហំ;

ទុគ្គតិំ នាភិជានាមិ, អញ្ជលិយា ឥទំ ផលំ.

៦៦. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឯកញ្ជលិយោ ថេរោ ឥមា គាថាយោ អភាសិត្ថាតិ.

ឯកញ្ជលិយត្ថេរស្សាបទានំ ទសមំ.

ឯកបទុមិយវគ្គោ បញ្ចតិំសតិមោ.