១០. កុមុទមាលិយត្ថេរអបទានំ

៥៤. ‘‘ឧសភំ បវរំ វីរំ, មហេសិំ វិជិតាវិនំ;

វិបស្សិនំ មហាវីរំ, អភិជាតំវ កេសរិំ.

៥៥. ‘‘រថិយំ បដិបជ្ជន្តំ, អាហុតីនំ បដិគ្គហំ;

គហេត្វា កុមុទំ មាលំ, ពុទ្ធសេដ្ឋំ សមោកិរិំ.

៥៦. ‘‘ឯកនវុតិតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

៥៧. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា កុមុទមាលិយោ ថេរោ ឥមា គាថាយោ អភាសិត្ថាតិ.

កុមុទមាលិយត្ថេរស្សាបទានំ ទសមំ.

អារក្ខទាយកវគ្គោ ពាត្តិំសតិមោ [ពត្តិំសតិមោ (សី. ស្យា.)].