៨. អនុលេបទាយកត្ថេរអបទានំ

៣៩. ‘‘អត្ថទស្សិស្ស មុនិនោ, អទ្ទសំ សាវកំ អហំ;

នវកម្មំ ករោន្តស្ស, សីមាយ ឧបគច្ឆហំ.

៤០. ‘‘និដ្ឋិតេ នវកម្មេ ច, អនុលេបមទាសហំ;

បសន្នចិត្តោ សុមនោ, បុញ្ញក្ខេត្តេ អនុត្តរេ.

៤១. ‘‘អដ្ឋារសេ កប្បសតេ, យំ កម្មមករិំ តទា;

ទុគ្គតិំ នាភិជានាមិ, អនុលេបស្សិទំ ផលំ.

៤២. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា អនុលេបទាយកោ ថេរោ ឥមា គាថាយោ អភាសិត្ថាតិ.

អនុលេបទាយកត្ថេរស្សាបទានំ អដ្ឋមំ.