៦. បាទបូជកត្ថេរអបទានំ

២៧. ‘‘បព្ពតេ ហិមវន្តម្ហិ, អហោសិំ កិន្នរោ តទា;

អទ្ទសំ វិរជំ ពុទ្ធំ, បីតរំសិំវ ភាណុមំ.

២៨. ‘‘ឧបេតំ តមហំ [ឧបេតោបិ តទា (ស្យា.), ឧបេសិំ តមហំ (?)] ពុទ្ធំ, វិបស្សិំ លោកនាយកំ;

ចន្ទនំ តគរញ្ចាបិ, បាទេ ឱសិញ្ចហំ តទា.

២៩. ‘‘ឯកនវុតិតោ កប្បេ, យំ បាទំ អភិបូជយិំ;

ទុគ្គតិំ នាភិជានាមិ, បាទបូជាយិទំ ផលំ.

៣០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា បាទបូជកោ ថេរោ ឥមា គាថាយោ អភាសិត្ថាតិ.

បាទបូជកត្ថេរស្សាបទានំ ឆដ្ឋំ.