៧. ទេសកិត្តកត្ថេរអបទានំ

៣១. ‘‘ឧបសាលកនាមោហំ, អហោសិំ ព្រាហ្មណោ តទា;

កាននំ វនមោគាឡ្ហំ, លោកជេដ្ឋំ នរាសភំ.

៣២. ‘‘ទិស្វាន វន្ទិំ បាទេសុ, លោកាហុតិបដិគ្គហំ;

បសន្នចិត្តំ មំ ញត្វា, ពុទ្ធោ អន្តរធាយថ.

៣៣. ‘‘កាននា អភិនិក្ខម្ម, ពុទ្ធសេដ្ឋមនុស្សរិំ;

តំ ទេសំ កិត្តយិត្វាន, កប្បំ សគ្គម្ហិ មោទហំ.

៣៤. ‘‘ទ្វេនវុតេ ឥតោ កប្បេ, យំ ទេសមភិកិត្តយិំ;

ទុគ្គតិំ នាភិជានាមិ, កិត្តនាយ ឥទំ ផលំ.

៣៥. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ទេសកិត្តកោ ថេរោ ឥមា គាថាយោ អភាសិត្ថាតិ.

ទេសកិត្តកត្ថេរស្សាបទានំ សត្តមំ.