២. ផលទាយកត្ថេរអបទានំ

៥. ‘‘សិនេរុសមសន្តោសោ, ធរណីសម [ធរណីធរ (សី. ស្យា.)] សាទិសោ;

វុដ្ឋហិត្វា សមាធិម្ហា, ភិក្ខាយ មមុបដ្ឋិតោ.

៦. ‘‘ហរីតកំ [ហរីតកិំ (ស្យា.)] អាមលកំ, អម្ពជម្ពុវិភីតកំ;

កោលំ ភល្លាតកំ ពិល្លំ, ផារុសកផលានិ ច.

៧. ‘‘សិទ្ធត្ថស្ស មហេសិស្ស, សព្ពលោកានុកម្បិនោ;

តញ្ច សព្ពំ មយា ទិន្នំ, វិប្បសន្នេន ចេតសា.

៨. ‘‘ចតុន្នវុតិតោ កប្បេ, យំ ផលំ អទទិំ តទា;

ទុគ្គតិំ នាភិជានាមិ, ផលទានស្សិទំ ផលំ.

៩. ‘‘សត្តបញ្ញាសិតោ កប្បេ, ឯកជ្ឈោ នាម ខត្តិយោ;

សត្តរតនសម្បន្នោ, ចក្កវត្តី មហព្ពលោ.

១០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ផលទាយកោ ថេរោ ឥមា គាថាយោ អភាសិត្ថាតិ.

ផលទាយកត្ថេរស្សាបទានំ ទុតិយំ.