៧. ចិតកបូជកត្ថេរអបទានំ

២៧. ‘‘ចន្ទភាគានទីតីរេ, អនុសោតំ វជាមហំ;

សត្ត មាលុវបុប្ផានិ, ចិតមារោបយិំ អហំ.

២៨. ‘‘ចតុន្នវុតិតោ កប្បេ, ចិតកំ យមបូជយិំ;

ទុគ្គតិំ នាភិជានាមិ, ចិតបូជាយិទំ ផលំ.

២៩. ‘‘សត្តសដ្ឋិម្ហិតោ កប្បេ, បដិជគ្គសនាមកា;

សត្តរតនសម្បន្នា, សត្តាសុំ ចក្កវត្តិនោ [បដិជគ្គសនាមកោ; សត្តរតនសម្បន្នោ, ចក្កវត្តី មហព្ពលោ (ស្យា.)].

៣០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ចិតកបូជកោ ថេរោ ឥមា គាថាយោ អភាសិត្ថាតិ.

ចិតកបូជកត្ថេរស្សាបទានំ សត្តមំ.