៨. អាលុវទាយកត្ថេរអបទានំ

៣១. ‘‘បព្ពតេ ហិមវន្តម្ហិ, មហាសិន្ធុ សុទស្សនា;

តត្ថទ្ទសំ វីតរាគំ, សុប្បភាសំ សុទស្សនំ.

៣២. ‘‘បរមោបសមេ យុត្តំ, ទិស្វា វិម្ហិតមានសោ;

អាលុវំ តស្ស បាទាសិំ, បសន្នោ សេហិ បាណិភិ.

៣៣. ‘‘ឯកត្តិំសេ ឥតោ កប្បេ, យំ ផលមទទិំ តទា;

ទុគ្គតិំ នាភិជានាមិ, អាលុវស្ស ឥទំ ផលំ.

៣៤. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា អាលុវទាយកោ ថេរោ ឥមា គាថាយោ អភាសិត្ថាតិ.

អាលុវទាយកត្ថេរស្សាបទានំ អដ្ឋមំ.