១០. តរណីយត្ថេរអបទានំ

៣៨. ‘‘មហាបថម្ហិ វិសមេ, សេតុ ការាបិតោ មយា;

តរណត្ថាយ លោកស្ស, បសន្នោ សេហិ បាណិភិ.

៣៩. ‘‘ឯកនវុតិតោ កប្បេ, យោ សេតុ ការិតោ មយា;

ទុគ្គតិំ នាភិជានាមិ, សេតុទានស្សិទំ ផលំ.

៤០. ‘‘បញ្ចបញ្ញាសិតោ កប្បេ, ឯកោ អាសិំ សមោគធោ;

សត្តរតនសម្បន្នោ, ចក្កវត្តី មហព្ពលោ.

៤១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា តរណីយោ ថេរោ ឥមា គាថាយោ អភាសិត្ថាតិ.

តរណីយត្ថេរស្សាបទានំ ទសមំ.

សុវណ្ណពិព្ពោហនវគ្គោ អដ្ឋវីសតិមោ.