១. សុវណ្ណពិព្ពោហនិយត្ថេរអបទានំ

១. ‘‘ឯកាសនំ អហមទំ, បសន្នោ សេហិ បាណិភិ;

ពិព្ពោហនញ្ច [ពិម្ពោហនញ្ច (សី. បី.)] បាទាសិំ, ឧត្តមត្ថស្ស បត្តិយា.

២. ‘‘ឯកនវុតិតោ កប្បេ, ពិព្ពោហនមទាសហំ;

ទុគ្គតិំ នាភិជានាមិ, ពិព្ពោហនស្សិទំ ផលំ.

៣. ‘‘ឥតោ តេសដ្ឋិមេ កប្បេ, អសមោ នាម ខត្តិយោ;

សត្តរតនសម្បន្នោ, ចក្កវត្តី មហព្ពលោ.

៤. ‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;

ឆឡភិញ្ញា សច្ឆិកតា, កតំ ពុទ្ធស្ស សាសនំ’’.

ឥត្ថំ សុទំ អាយស្មា សុវណ្ណពិព្ពោហនិយោ ថេរោ ឥមា គាថាយោ អភាសិត្ថាតិ.

សុវណ្ណពិព្ពោហនិយត្ថេរស្សាបទានំ បឋមំ.