២. តិលមុដ្ឋិទាយកត្ថេរអបទានំ

៥. ‘‘មម សង្កប្បមញ្ញាយ, សត្ថា លោកគ្គនាយកោ;

មនោមយេន កាយេន, ឥទ្ធិយា ឧបសង្កមិ.

៦. ‘‘សត្ថារំ ឧបសង្កន្តំ, វន្ទិត្វា បុរិសុត្តមំ;

បសន្នចិត្តោ សុមនោ, តិលមុដ្ឋិមទាសហំ.

៧. ‘‘ឯកនវុតិតោ កប្បេ, យំ ទានមទទិំ តទា;

ទុគ្គតិំ នាភិជានាមិ, តិលមុដ្ឋិយិទំ ផលំ.

៨. ‘‘ឥតោ សោឡសកប្បម្ហិ, តន្តិសោ [ខន្តិយោ (ស្យា.)] នាម ខត្តិយោ;

សត្តរតនសម្បន្នោ, ចក្កវត្តី មហព្ពលោ.

៩. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា តិលមុដ្ឋិទាយកោ ថេរោ ឥមា គាថាយោ អភាសិត្ថាតិ.

តិលមុដ្ឋិទាយកត្ថេរស្សាបទានំ ទុតិយំ.