៩. កុដិទាយកត្ថេរអបទានំ

៣៣. ‘‘វិបិនចារី សម្ពុទ្ធោ, រុក្ខមូលេ វសី តទា;

បណ្ណសាលំ ករិត្វាន, អទាសិំ អបរាជិតេ.

៣៤. ‘‘ឯកនវុតិតោ កប្បេ, យំ បណ្ណកុដិកំ អទំ;

ទុគ្គតិំ នាភិជានាមិ, កុដិទានស្សិទំ ផលំ.

៣៥. ‘‘អដ្ឋវីសេ [អដ្ឋតិំសេ (ស្យា.)] ឥតោ កប្បេ, សោឡសាសិំសុ រាជានោ;

សព្ពត្ថ អភិវស្សីតិ, វុច្ចរេ ចក្កវត្តិនោ.

៣៦. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា កុដិទាយកោ ថេរោ ឥមា គាថាយោ អភាសិត្ថាតិ.

កុដិទាយកត្ថេរស្សាបទានំ នវមំ.