១០. អគ្គបុប្ផិយត្ថេរអបទានំ

៣៧. ‘‘សុវណ្ណវណ្ណំ សម្ពុទ្ធំ, និសិន្នំ បព្ពតន្តរេ;

ឱភាសយន្តំ រំសេន [រំសិយា (ស្យា.)], សិខិនំ សិខិនំ យថា.

៣៨. ‘‘អគ្គជំ បុប្ផមាទាយ, ឧបាគច្ឆិំ នរុត្តមំ;

បសន្នចិត្តោ សុមនោ, ពុទ្ធស្ស អភិរោបយិំ.

៣៩. ‘‘ឯកត្តិំសេ ឥតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

៤០. ‘‘បញ្ចវីសតិកប្បម្ហិ, អហោសិ អមិតោគតោ [អមិតវ្ហយោ (សី.)];

សត្តរតនសម្បន្នោ, ចក្កវត្តី មហព្ពលោ.

៤១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា អគ្គបុប្ផិយោ ថេរោ ឥមា គាថាយោ អភាសិត្ថាតិ.

អគ្គបុប្ផិយត្ថេរស្សាបទានំ ទសមំ.

ថោមកវគ្គោ ឆព្ពីសតិមោ.