៧. មញ្ជរិបូជកត្ថេរអបទានំ

២៣. ‘‘មញ្ជរិកំ ករិត្វាន, រថិយំ បដិបជ្ជហំ;

អទ្ទសំ សមណានគ្គំ, ភិក្ខុសង្ឃបុរក្ខតំ.

២៤. ‘‘បសន្នចិត្តោ សុមនោ, បរមាយ ច បីតិយា;

ឧភោ ហត្ថេហិ បគ្គយ្ហ, ពុទ្ធស្ស អភិរោបយិំ.

២៥. ‘‘ទ្វេនវុតេ ឥតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, បុប្ផបូជាយិទំ ផលំ.

២៦. ‘‘ឥតោ តេសត្តតិកប្បេ, ឯកោ អាសិំ មហីបតិ;

ជោតិយោ នាម នាមេន, ចក្កវត្តី មហព្ពលោ.

២៧. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា មញ្ជរិបូជកោ ថេរោ ឥមា គាថាយោ អភាសិត្ថាតិ.

មញ្ជរិបូជកត្ថេរស្សាបទានំ សត្តមំ.