២. ឯកាសនទាយកត្ថេរអបទានំ

៥. ‘‘វិជហិត្វា ទេវវណ្ណំ, សភរិយោ ឥធាគមិំ;

អធិការំ កត្តុកាមោ, ពុទ្ធសេដ្ឋស្ស សាសនេ.

៦. ‘‘ទេវលោ នាម នាមេន, បទុមុត្តរសាវកោ;

តស្ស ភិក្ខា មយា ទិន្នា, វិប្បសន្នេន ចេតសា.

៧. ‘‘សតសហស្សិតោ កប្បេ, យំ កម្មមករិំ តទា;

ទុគ្គតិំ នាភិជានាមិ, បិណ្ឌបាតស្សិទំ ផលំ.

៨. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឯកាសនទាយកោ ថេរោ ឥមា គាថាយោ អភាសិត្ថាតិ.

ឯកាសនទាយកត្ថេរស្សាបទានំ ទុតិយំ.