១. ថោមកត្ថេរអបទានំ

១. ‘‘ទេវលោកេ ឋិតោ សន្តោ, វិបស្សិស្ស មហេសិនោ;

ធម្មំ សុណិត្វា មុទិតោ, ឥមំ វាចំ អភាសហំ.

២. ‘‘‘នមោ តេ បុរិសាជញ្ញ, នមោ តេ បុរិសុត្តម;

ពហុជ្ជនំ [ពហុំ ជនំ (សី.)] តារយសិ, ទេសេន្តោ អមតំ បទំ’.

៣. ‘‘ឯកនវុតិតោ កប្បេ, យំ វាចមភណិំ តទា;

ទុគ្គតិំ នាភិជានាមិ, ថោមនាយ ឥទំ ផលំ.

៤. ‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;

ឆឡភិញ្ញា សច្ឆិកតា, កតំ ពុទ្ធស្ស សាសនំ’’.

ឥត្ថំ សុទំ អាយស្មា ថោមកោ ថេរោ ឥមា គាថាយោ អភាសិត្ថាតិ.

ថោមកត្ថេរស្សាបទានំ បឋមំ.